მშობელთა განათლება 

საქართველოს განათლებისა და მეცნიერების სამინისტრომ ორგანიზაცია „მაკ ჯორჯიასთან“ პარტნიორობით განახორციელა პირდაპირი ჩართვების სერია სოციალური ქსელის საშუალებით „მშობლის სკივრის“ პორტალზე https://www.facebook.com/mshoblisskivri . პირდაპირი ჩართვები გაიმართა შეზღუდული შესაძლებლობისა და სპეციალური საგანმანათლებლო საჭიროების მქონე მოსწავლეთა მშობლების ინფორმირების მიზნით ინკლუზიურ განათლებასთან დაკავშირებით. გადაცემის სტუმრები იყვნენ ინკლუზიური განათლების სამმართველოს თანამშრომლები და მულტიდისიციპლინური გუნდის  წევრები. მათ მაყურებელს გაუზიარეს სასარგებლო რჩევები  სამინისტროს მიერ ინკლუზიური განათლების მიმართულებით განხორციელებული და მიმდინარე აქტივობების შესახებ, ისაუბრეს მშობლებისა და ბავშვების უფლებების შესახებ, მათ შორის ისეთ საკითხებზე, როგორიცაა:

  • 2021-2022 სასწავლო წლისთვის სპეციალური საგანმანათლებლო საჭიროების მქონე პირველკლასელთა რეგისტრაცია.
  • მულტიდისციპლინური გუნდის როლი და ფუნქციონირება;
  • ინკლუზიური განათლების რეგულაცია საჯარო სკოლებში, რესურს ოთახის ფუნქციონირება; რესურს-სკოლების და ინტეგრირებული კლასების ფუნქციონირება, ტრანზიცია ბაღიდან სკოლაში და პროფესიულ სასწავლებელში, განათლების ხელშეწყობა უმაღლესი განათლების საფეხურზე;
  • მასწავლებლის, დამრიგებლის როლი, მშობლის მიერ გადაწყვეტილების მიღება განათლების მიღების ფორმებთან დაკავშირებით;
  • მშობლის ჩართულობა სასკოლო ცხოვრებაში და ინდივიდუალური სასწავლო გეგმის შედგენაში მონაწილეობის უფლება და მნიშვნელობა;
  • ინკლუზიური განათლების სპეციალისტების როლი და ფუნქციები;
  • ინკლუზიური განათლების მიმართულებით მიმდინარე ტრენინგები, მასწავლებლის პროფესიული განვითარება;
  • ინდივიდუალური საჭიროებების გათვალისწინება გაკვეთილის დაგეგმვისას, სასწავლო პროცესის ორგანიზება უნივერსალური სასწავლო დიზაინით და ინდივიდუალური სასწავლო გეგმა, სწავლების სტრატეგიები, სსსმ მოსწავლის ჩართულობის გაზრდა სასწავლო პროცესში;
  • მშობლებისთვის შექმნილი გზამკვლევების და საინფორმაციო რესურსების განხილვა;
  • ფიზიკური გარემოს ორგანიზება სენსორული და მოტორული საჭიროებების გათვალისწინებით, კლასის მენეჯმენტი, პოზიტიური ქცევის მხარდაჭერა.

მიმდინარე პროექტის ფარგლებში სულ შედგა 10 შეხვედრა, რომლის ფარგლებშიც მშობლებმა მიიღეს სასარგებლო ინფორმაცია და რჩევები ინკლუზიური განათლების ადმინისტრირებისა და ბიუროკრატიული საკითხების შესახებ, რაც მათ სკოლებთან თანამშრომლობის გაძლიერებაში და საჭირო სერვისების მოქნილად მიღებაში დაეხმარება.

პირდაპირი ჩართვების პროცესში მშობლებს ქონდათ კითხვების დასმის საშუალება მოწვეულ სტუმრებთან

რეგისტრაცია და ტრანზიცია პროფ და უმაღლეს სასწავლებლებში 

ფიზიკური გარემოს ორგანიზებ

კლასის მენეჯმენტი

გზამკვლევი მშობლებისთვის

სასწავლო პროცესის ორგანიზება

შეფასება და სსმ მოსწავლის სტატუსის დადასტურება

ინკლუზიური განათლების სპეციალისტის როლები და ფუნქციები

განათლების ფორმები

პირველკლასეთა ტრანზიცია

მარტი 2024
ორშსამოთხხუთპარშაბკვი
    123
45678910
11121314151617
18
19
2021222324
25262728293031