საჯარო სკოლის პედაგოგებისა და ადმინისტრაციის წარმომადგენლებისათვის ტრენინგები ჩატარდა ე.წ. ქუჩაში მცხოვრები და მომუშავე ბავშვების სასწავლო პროცესში თანატოლებთან ინტეგრაციის სირთულეების გადალახვის კუთხით.
პროგრამა საქართველოს განათლებისა და მეცნიერების სამინიტროს „განათლების მიღების მეორე შესაძლებლობა სასწავლო პროცესის მიღმა დარჩენილი ბავშვებისათვის საქართველოში“ ფარგლებში განხორციელდა.
ტრენინგების ჩატარების მიზანს წარმოადგენდა პედაგოგების კვალიფიკაციის ამაღლება, დამოკიდებულებების ცვლილება სენსიტიური ჯგუფების ბავშვებთან მუშაობის პროცესში.
ტრენინგის მოდულისთვის თემატიკა და პროგრამა შეირჩა მოწყვლადი ჯგუფების ბავშვთა საგანმანათლებლო საჭიროებებისა და ფსიქო-სოციალური მახასიათებლების გათვალისწინებით, მათთვის ფორმალური განათლების ხელმისაწვდომობის და ხარისხის უზრუნველსაყოფად. იმ ბარიერების გადასალახად, რომელიც განაპირობებს სკოლაში აკადემიურ აქტივობებში მათი ჩართვისა და თანატოლებთან სრულფასოვანი ინტეგრაციის სირთულეებს და საბოლოოდ გარიყვას სასკოლო პროცესებიდან.
ტრენინგში მონაწილეობა მიიღო 6 საჯარო სკოლის 50-ზე მეტმა პედაგოგმა. ტრენინგები ჩატარდა სამოქალაქო საზოგადოების განვითარების ცენტრის (CSDC) ტრენერების (ფსიქოლოგებისა და სოციალური მუშაკების) მიერ.
ტრენინგის დასასრულს თითოეულ მონაწილეს გადაეცა სერთიფიკატი.
აქვე იხილითეთ ტრენინგის ამსახველი ვიდეო მასალა:
 |
დეკემბერი 2023 |  |
||||
|---|---|---|---|---|---|---|
| ორშ | სამ | ოთხ | ხუთ | პარ | შაბ | კვი |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
