საიტი ფუნქციონირებს სატესტო რეჟიმში

სიახლეები

ინკლუზიური განათლების მონიტორინგი საქართველოში

28 ოქტომბერი, 2015

საქართველოს განათლებისა და მეცნიერების სამინისტროსა და ასოციაცია „დეას“ ორგანიზებით, კონფერენცია გაიმართა თემაზე ,,ინკლუზიური განათლების მონიტორინგი საქართველოში”.

კონფერენცია პროექტის „უწყვეტი განათლების მთლიანობა ინკლუზიით“ ფარგლებში ჩატარდა და მისი მიზანი იყო ინკლუზიური განათლების სფეროში მონიტორინგის ინსტრუმენტის / ინდიკატორების შემუშვება.

საქართველოს საგანმანათლებლო დაწესებულებებში ინკლუზიური განათლების მონიტორინგის ინდიკატორებზე ქართველი და უცხოელი ექსპერტები მუშაობდნენ, რომლებიც ეყრდნობოდნენ ერთიან ევროპული საგანმანათლებლო სივრცისთვის შემუშავებულ ინდიკატორებს, საველე კვლევები საქართველოს ორ რეგიონსა და აჭარის ავტონომიურ რესპუბლიკაში განხორციელდა. ასევე ეყრდნობოდნენ საქართველოს კანონმდებლობასა და შესაბამის მარეგულირებელ დოკუმენტებს.

კონფერენციაზე საზოგადოება გაეცნო ქართული მონიტორინგის ინსტრუმენტის შექმნის პროცესს, საქართველოს განათლებისა და მეცნიერების სამინისტროს ხედვას ინკლუზიურ განათლებასთნ დაკავშირებით, პროექტის ფარგლებში განხორციელებულ საველე კვლევის შედეგად საპილოტე სასწავლო/სააღმზრდელო დაწესებულბების მიერ გააზრებულ მიღწევებსა და გამოწვევებს, ინკლუზიური განათლების მონიტორინგის ევროპულ გამოცდილებას.

კონფერენციის მუშაობაში მონაწილეობა მიიღო საქართველოს განათლებისა და მეცნიერების მინისტრის მოადგილემ ლია გიგაურმა, სამინისტროს სხვა წარმომადგენლებმა, საქართველოს სახალხო დამცველის აპარატის, თბილისის, ზუგდიდის მერიების და საკრებულოების, საერთაშორისო ორგანიზაციების, შშმ პირთა და ზოგადად ადამიანის უფლებათა დაცვის სფეროში მომუშვე არასამთავრობო ორგანიზაციების, სკოლამდელი, საჯარო, პროფესიული და უმაღლესი დაწესებულებების, მედიისა და სხვა დაინტერესებული მხარეების წამომადგენლებმა.

პროექტი „უწყვეტი განათლების მთლიანობა ინკლუზიით“ განხორციელდა ევროკავშირის ფინანსური მხარდაჭერით.

 

ოქტომბერი 2018
ორშსამოთხხუთპარშაბკვი
1234567
891011121314
15161718
19
2021
22232425262728
293031