საიტი ფუნქციონირებს სატესტო რეჟიმში

სიახლეები

სსსმ მოსწავლეების მონაწილეობით თეატრალური ფესტივალი მიმდინარეობს

17 ნოემბერი, 2014

საქართველოს განათლებისა და მეცნიერების სამინისტროს ,,სოციალური ინკლუზიის ხელშეწყობის ქვე პროგრამისა“ და კავშირი ,,ბერილუს“-ის თანამშრომლობით, სასკოლო თეატრალური ფესტივალი გაიმართა. ფესტივალის გახსნას საქართველოს განათლებისა და მეცნიერების მინისტრის მოადგილე ლია გიგაური, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, კავშირი ,,ბერილუს“-ის გამგეობის თავმჯდომარე ირაკლი ნადირაძე, ,,სოციალური ინკლუზიის ხელშეწყობის ქვე პროგრამაში“ ჩართული საჯარო სკოლის მოსწავლეები, სპეციალური საგანმანათლებლო საჭიროების მქონე მოზარდები, ქვეპროგრამის სასკოლო კოორდინატორები, დირექტორები, სფეროში მომუშავე სამთავრობო უწყებებისა და არასამთავრობო ორგანიზაციების წარმომადგენლები დაესწრნენ. ფესტივალის მიზანია ერთ თემში მცხოვრები სპეციალური საგანმანათლებლო საჭიროების (მათ შორის ლინგვისტური პრობლემების) მქონე მოზარდებისა და საჯარო სკოლების თანატოლების თანამშრომლობით მომზადებული სპექტაკლების ჩვენება. ფესტივალის ფარგლებში საჯარო სკოლის თანატოლებთან თანამშრომლობით მომზადებულია 5 სპექტაკლი. ღონისძიებაზე ერთ სპექტაკლს წარმოადგენს სომხეთის რესპუბლიკიდან მოწვეული სხვა და სხვა სოციალური ფენისა და შესაძლებლობების მქონე მოზარდები სჯგუფი.მაყურებელს ასევე საშუალება ექნება იხილოს ქ. ახალციხის N1 საჯარო სკოლის მოსწავლეებისა და. ახალციხის N2 საჯარო სკოლის საქართველოს მოქალაქეობის არმქონე მესხი მოზარდების თანამშრომლობით მომზადებული სპექტაკლი: ,,უბილეთო მგზავრი“. აღსანიშნია, რომ ახალციხეში მცხოვრები საქართველოს მოქალაქეობის არმქონე მოზარდები სახელმწიფო ენის არცოდნის გამო, სპექტაკლის მომზადებამდე, ნაკლებად მეგობრობდნენა დგილობრივ თანატოლებთან. სპექტაკლის მომზადების პროცესი ემსახურებოდა მესხი მოზარდების თანატოლებთან სოციალიზაციას და სახელმწიფო ენის ცოდნის მოტივაციის ამაღლებას.

ივლისი 2017
ორშსამოთხხუთპარშაბკვი
     12
3456789
10111213141516
171819
20
212223
24252627282930
31