ინკლუზიური
განათლება

მინისტრის მოადგილემ საგანმანათლებლო ინფრასტრუქტურა დაათვალიერა და ადმინისტრაციის წარმომადგენლებისგან სკოლის საჭიროებების შესახებ მიიღო ინფორმაცია.

თბილისის N202 საჯარო სკოლაში მოქმედ საზაფხულო სკოლაში უსინათლო და მცირემხედველი მოსწავლეები მონაწილეობენ. მათთვის ხელმისაწვდომია სხვადასხვა საგანმანათლებლო მომსახურება, მათ შორის ინტეგრირებული კლასი, პირველკლასელთა ტრანზიციისა და პრეპროფესიული მომზადების პროგრამები.

საზაფხულო სკოლის პროგრამა საქართველოს მასშტაბით მოქმედ შვიდ რესურსსკოლაში 19 ივნისს დაიწყო და 31 ივლისის ჩათვლით გაგრძელდება.

პროგრამის მიზანია მოსწავლეებისთვის უსაფრთხო, ინკლუზიური და მათ ინდივიდუალურ საჭიროებებზე მორგებული გარემოს შექმნა. სპეციალურად შემუშავებული პროგრამის ფარგლებში მოსწავლეები მონაწილეობენ მრავალფეროვან საგანმანათლებლო, შემოქმედებით და განმავითარებელ აქტივობებში, რომლებიც ხელს უწყობს სასწავლო წლის განმავლობაში მიღწეული პროგრესის შენარჩუნებას. ასევე სოციალური, ემოციური, ფუნქციური და პიროვნული უნარების შემდგომ განვითარებას.

საქართველოს განათლების, მეცნიერებისა და ახალგაზრდობის სამინისტრო, რესურსსკოლების მოსწავლეებისა და მათი ოჯახების მხარდასაჭერად, საზაფხულო სკოლის პროგრამას უკვე მეორე წელია ახორციელებს.