ინკლუზიური
განათლება

ბაია კვიციანი საქართველოს დისლექსიის ასოციაციის წარმომადგენლებს შეხვდა

განათლების, მეცნიერებისა და ახალგაზრდობის მინისტრის მოადგილე ბაია კვიციანი საქართველოს დისლექსიის ასოციაციის წარმომადგენლებს შეხვდა. 

შეხვედრის მიზანს წარმოადგენდა საქართველოში დისლექსიის მქონე ბავშვების, აბიტურიენტებისა და უმაღლესი საგანმანათლებლო დაწესებულებების სტუდენტების წინაშე არსებული  სისტემური გამოწვევების განხილვა.

ბაია კვიციანმა შეხვედრაზე აღნიშნა, რომ სამინისტრომ დაასრულა დისლექსიის გზამკვლევზე მუშაობა, რომელიც სპეციალისტებსა და მშობლებს შესაბამისი საჭიროებების მქონე ბავშვების მხარდაჭერაში დაეხმარება. მინისტრის მოადგილის თქმით,  განათლებაზე თანაბარი ხელმისაწვდომობის უზრუნველსაყოფად სამინისტრო აქტიურად თანამშრომლობს დარგობრივ ორგანიზაციებთან და შექმნილია სერვისების ინკლუზიური განვითარების საკოორდინაციო საბჭო.

შეხვედრის ფარგლებში დისლექსიის ასოციაციის წევრებმა წარმოადგინეს ორგანიზაციის მიერ განხორციელებული საქმიანობის მოკლე მიმოხილვა, არსებული პრაქტიკის შეფასება და ის გამოწვევები, რომელთა წინაშეც დისლექსიის მქონე პირები განათლების სხვადასხვა საფეხურზე დგანან. შეხვედრისას მხარეებმა ასევე იმსჯელეს  დისლექსიის მქონე პირებისთვის მხარდამჭერი მექანიზმების გაძლიერების მიზნით.