საქართველოს განათლების, მეცნიერების, კულტურისა და სპორტის მინისტრის მოადგილემ, ეკატერინე დგებუაძემ, შეზღუდული შესაძლებლობის მქონე პირთა საერთაშორისო დღესთან დაკავშირებულ კონფერენციაში მიიღო მონაწილეობა და იმ პროექტებზე ისაუბრა, რომელიც სამინისტროს მიერ ინკლუზიური განათლების კუთხით ხორციელდება.
კონფერენციის დღის წესრიგში მნიშვნელოვანი ყურადღება დაეთმო კანონმდებლობისა და პოლიტიკის რეფორმებს, რომელთა გატარება აუცილებელია იმისთვის, რომ საქართველოს კანონები და სახელმწიფო პრაქტიკა გაეროს კონვენციის პრინციპებთან შესაბამისობაში მოვიდეს, რაც ხელს შეუწყობდა როგორც საჯარო სივრცისა და სერვისების მეტ ხელმისაწვდომობას, ასევე თანამედროვე ტექნოლოგიების, მათ შორის, ხელოვნური ინტელექტისა და რობოტიქსის, გამოყენებას შშმ პირების უფლებების დაცვისთვის და მათი ცხოვრების ხარისხის გაუმჯობესებისთვის.
კონფერენციის მომზადებისას შშმ პირები აქტიურად იყვნენ ჩართული სადისკუსიო თემების შერჩევაში, რაც სრულად შეესაბამება შშმ პირების უფლებადამცველი მოძრაობის მიერ წამოყენებულ გლობალურ პრინციპს - არაფერი ჩვენთვის ჩვენს გარეშე.
გაეროს განვითარების პროგრამამ (UNDP) გააკეთა განცხადება ახალი ინიციატივის შესახებ, რომელიც 2020 წლის იანვარში დაიწყება და საქართველოში შშმ პირების სოციალურ დაცვას შეუწყობს ხელს. პროგრამის ბიუჯეტი 2 მილიონი აშშ დოლარია, ხოლო მის განხორციელებაში გაეროს ექვსი სააგენტო ჩაერთვება.
პროგრამის განხორცილების შედეგად საქართველოს კანონმდებლობა მეტად შესაბამისი გახდება გაეროს კონვენციასთან. ასევე შემცირდება შშმ პირებთან დაკავშირებული სტიგმა, გაიზარდება დასაქმების შესაძლებლობები, ხოლო საჯარო სივრცე და სერვისები მეტად ხელმისაწვდომი გახდება შშმ პირებისთვის.
 |
მაისი 2025 |  |
||||
|---|---|---|---|---|---|---|
| ორშ | სამ | ოთხ | ხუთ | პარ | შაბ | კვი |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
