ინკლუზიური
განათლება

ინკლუზიური განათლების საკითხებს საკონსულტაციო ჯგუფი იხილავს

საქართველოს განათლებისა და მეცნიერების მინისტრის ინიციატივით, პირველად განათლების ისტორიაში, ინკლუზიური განათლების საკონსულტაციო ჯგუფი შეიქმნა. ჯგუფში გაერთიანებულნი არიან იმ სამთავრობო და არასამთავრობო ორგანიზაციების წარმომადგენლები, რომელთაც საკმაო გამოცდილება აქვთ როგორც შეზღუდული შესაძლებლობის მქონე (შშმ) პირებთან ისე, ინკლუზიური განათლების მიმართულებით მუშაობისა. საკონსულტაციო ჯგუფის წევრებია ასევე, თავად შეზღუდული შესაძლებლობების მქონე ბავშვთა მშობლებიც.

საკონსულტაციო ჯგუფი გარდა იმისა, რომ თითოეული მოსწავლის თუ, პირის ინკლუზიურ განათლებასთან დაკავშირებულ მდგომარეობას განიხილავს და საჭირო ქმედებებს განახორციელებს, ასევე იმსჯელებს, ინკლუზიურ განათლებაში არსებულ გამოწვევებზე, დასახავს პრობლემების გადაჭრის გზებსა და სამომავლო გეგმებს.