საქართველოს განათლებისა და მეცნიერების მინისტრის მოადგილე ლია გიგაური თბილისის მე-200 სკოლა-პანსიონს ეწვია, ბავშვებს ახალი წელი მიულოცა და მინისტრის სახელით, მათ საახალწლო საჩუქრები გადასცა. მინისტრის მოადგილემ მოსწავლეების ხელნაკეთი ნივთებიც დაათვალიერა და დამზადების პროცესსაც გაეცნო. მე-200 სკოლა-პანსიონში სპეციალური საგანმანათლებლო საჭიროების მქონე 89 მოსწავლე სწავლობს, მათგან 60 - პანსიონური მომსახურებით სარგებლობს, მათი ნაწილი არდადეგების დღეებსაც სკოლა-პანსიონში ატარებს. ლია გიგაურს სწორედ ამ მოსწავლეებმა უმასპინძლეს. სპეციალიზირებულ სკოლებში მოსწავლეები ინდივიდუალური, მათ საჭიროებაზე მორგებული სასწავლო პროგრამით სწავლობენ. გარდა სასწავლო პროცესისა, სამინისტრო ზრუნავს ამ სკოლების ინფრასტრუქტურაზეც. გასულ წელს მე-200 სკოლის ეზოსა და პანსიონში სარემონტო სამუშაოები დასრულდა, პანსიონი სრულიად განახლდა, კეთილმოეწყო და თანამედროვედ აღიჭურვა.
 |
აპრილი 2024 |  |
||||
|---|---|---|---|---|---|---|
| ორშ | სამ | ოთხ | ხუთ | პარ | შაბ | კვი |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
