საიტი ფუნქციონირებს სატესტო რეჟიმში

სიახლეები

კოლეჯებში საშემოდგომო მიღებისთვის მზადება მიმდინარეობს

7 სექტემბერი, 2016

საქართველოს განათლებისა და მეცნიერების სამინისტროს ინკლუზიური განათლების მულტიდისციპლინური გუნდი პროფესიულ დაწესებულებებში საშემოდგომო მიღებისთვის ემზადება. გუნდის წევრები ჩართულები იქნებიან სპეციალური საგანმანათლებლო საჭიროების მქონე პირების შეფასებისა და ტესტირების პროცესებში. თბილისსა და რეგიონებში მომუშავე გუნდის წევრებისთვის შესაბამისი ტრენინგები სამ ეტაპად ჩატარდა, სადაც მათ მიიღეს დამატებითი ინსტრუქციები სსსმ პირებთან მუშაობისათვის. ასევე, მოხდა არსებული გამოწვევების განხილვა და გაანალიზება. ტრეინინგებზე მიღებული ინფორმაცია კიდევ უფრო მოქნილს გახდის სსსმ პირებისათვის პროფესიული განათლების ხელმისაწვდომობას. 
პროფესიულ საგანმანათლებლო პროგრამებზე რეგისტრაციისას სსსმ პირს შესაძლებლობა აქვს განსაზღვროს მისთვის საინტერესო სამი საგანმანათლებლო პროგრამა ერთი მიმართულების ფარგლებში. პროფესიული ტესტირების საფუძველზე, შერჩეული პროფესიების შესაბამისი აქტივობის პრაქტიკულად მოსინჯვის შედეგად, აპლიკანტი აკეთებს საბოლოო არჩევანს.
პროფესიული ტესტირება პრიორიტეტული პროფესიული საგანმანათლებლო პროგრამის შესაბამისი აქტივობის პრაქტიკულ მოსინჯვას გულისხმობს. აპლიკანტები პროფესიული განათლების მასწავლებლის მითითებით ერთვებიან აქტივობის განხორციელების პროცესში და ასრულებენ შესაბამის ინსტრუქციებს. ტესტირების მოსინჯვის შემდეგ აპლიკანტი, საგანმანათლებლო პროგრამასთან მისი ინტერესებისა და შესაძლებლობის თანხვედრის საფუძველზე, თავად ირჩევს სასურველ პროფესიას.
საქართველოს განათლებისა და მეცნიერების სამინისტრომ ინკლუზიური პროფესიული განათლების დანერგვა 2013 წლიდან დაიწყო. ნორვეგიის განათლებისა და კვლევის სამინისტროს მხარდაჭერით ხორციელდება პროექტი „ინკლუზიური განათლების დანერგვა საქართველოს პროფესიული განათლებისა და გადამზადების სისტემაში“. აღნიშნული ინიციატივის მიზანია პროფესიული განათლების ხელმისაწვდომობის გაზრდა სსსმ და შშმ პირებისთვის და სასწავლო პროცესის მათი ინდივიდუალური შესაძლებლობების, ინტერესებისა და საჭიროებების შესაბამისად წარმართვა.
პროფესიულ საგანმანათლებლო დაწესებულებებში სსსმ სტუდენტთა რაოდენობა ყოველწლიურად იზრდება. 2013 წლის შემოდგომის მიღებიდან დღემდე პროფესიულ საგანმანათლებლო დაწესებულებებში ჩაირიცხა სულ 510 სპეციალური საგანმანათლებლო საჭიროების მქონე სტუდენტი. ხდება თითოეული მათგანის ინდივიდუალური საჭიროებების დაკმაყოფილება. პროფესიულ სასწავლებლებში მიმდინარეობს სსსმ პირების უზრუნველყოფა სწავლებისათვის საჭირო დამატებითი სპეციალისტების მომსახურებით და სხვადასხვა მატერიალური რესურსებით.

ივლისი 2017
ორშსამოთხხუთპარშაბკვი
     12
3456789
10111213141516
17181920212223
24
252627282930
31