საიტი ფუნქციონირებს სატესტო რეჟიმში

სიახლეები

კოლეჯში „სპექტრი“ რეაბილიტაციის პირველი ეტაპი დასრულდა

28 იანვარი, 2016

საქართველოს განათლებისა და მეცნიერების მინისტრის პირველი მოადგილე ქეთევან ნატრიაშვილი საზოგადოებრივ კოლეჯში „სპექტრი“ მიმდინარე სარემონტო სამუშაოებს გაეცნო - კოლეჯში სტუდენტური საერთო საცხოვრებლისა და სასტუმროს რეაბილიტაციისა და უნივერსალური დიზაინით მოწყობის პროცესი მიმდინარეობს. სამუშაოების პირველი ეტაპი უკვე დასრულებულია, ახალი სასწავლო წლიდან თანამედროვე სტანდარტების საერთო საცხოვრებელი და სასტუმრო მოემსახურება სტუდენტებს რეგიონებიდან და ასევე, სოციალურად დაუცველ პროფესიულ სტუდენტებსაც, აქ იცხოვრებენ ასევე გაცვლითი პროგრამების ფარგლებში უცხოეთიდან ჩამოსული პროფესორები.

რაც ყველაზე მნიშვნელოვანია, სურვილის შემთხვევაში, საერთო საცხოვრებლით ისარგებლებენ სპეციალური საგანმანათლებლო საჭიროებისა და შეზღუდული შესაძლებლობის მქონე სტუდენტებიც. აღსანიშნავია, რომ კოლეჯის საერთო საცხოვრებელი და სასტუმრო ისეთი უნივერსალური დიზაინით კეთდება, რაც აქამდე მსგავს შენობებში არსად განხორციელებულა, აქ შშმ პირებს სრულიად დამოუკიდებლად და კომფორტულად შეეძლებათ სართულებზე ასვლა და სივრცეში გადაადგილება.

სწავლის ხელმისაწვდომობის გაზრდა საქართველოს განათლებისა და მეცნიერების სამინისტროს მთავარი პრიორიტეტია. ამ მიმართულებით, სასიცოცხლოდ მნიშვნელოვანია გამართული სასწავლო ინფრასტრუქტურა. ამიტომ, მთელი საქართველოს მასშტაბით, უწყვეტ რეჟიმში მიმდინარეობს საგანმანათლებლო დაწესებულებათა რეაბილიტაცია და უნივერსალური დიზაინით მოწყობის პროცესი.

ვიდეო მასალა:

სექტემბერი 2017
ორშსამოთხხუთპარშაბკვი
    123
45678910
11121314151617
1819202122
23
24
252627282930